ابوذيات لاروع شعراء العراقيين

ابوذيات رحيم المالكي
همومي بحر سموم الصيف شتن
على ضعون المشن وبليل شتن
يگلبي شمنتظر بالباب شتان
سرو غبشه وصفو من غير جيه
-
يا سباح گلبي من حشاكم
وعليه امن العواذل من حشاكم
اسب وانعل واگولن من حشاكم
عزاز ومن اسب ترجع عليه
-
عليك الدمع ما بطل وجاري
هلي ملو كثر نوحي وجاري
العلي ماصار بالدنيه وجاري
صديجي والعدو طبگو عليه
---------------------------------------
ابوذيات نائل المظفر
يوسف شافك بحلمه قصيده
وابو الطيب خجل يمك قصيده
عينك شاعر ورمشك قصيده
وعمت عينه اليكلك مو قوية
-
عليَ جار الوكت تنشد بلا جار
عفت بيتي اوسكنت البر بلا جار
بلا صاحب بلا زاير بلا جار
خيال الكوخ صاير جار الية
-
صار سنين ما تفهم وانه شراح
ليش جروحي يلتمن وانه اشراح
راح تروح من ايدي وانه شراح
راح اصفك اضل بثنين اديه
---------------------------------------
ابوذيات مهند الهاشمي
حبيبي الناس اصلاً ما تحبكم
شفاهي اليوم بطلت ما تحبكم
عذر وافي يوسفه مات حبكم
اسف حبكم طلع موت وبليه
-
اكو ناس الضعيفه مانخل الهم
بعد مااميز الباطن من خللهم
اذاااااا للعالو اصبح منخل الهم
شألم دنان من نخل الرديه
-
اخوي بگلبي يامه الخير وچا
عجل مرتي تگلي وياي وچ چا
نبض چا والعجل بالروح وجا
وصفينه احباب من نلتم سويه
---------------------------------------
ابوذيات سمير صبيح
طبعك مو شجي وكتلك شجاني
شجنيت وياك شو كلي شجاني
امس جنت انحضن وانشم شجاني
گنفذ والحضن حسره عليه
-
اسكت لا تضل تشكي بهاماك
وتلوم الروح وتعضعض بهاماك
اخذ كبع النخل وارفع بهاماك
واذا بالطين عركك هاي هيه
-
جرحني وللجرح ملكيت وصفه
يوصفني وعليه يتيه وصفه
يخبطني الزمن والعوز واصفه
انه الخابط ابد ميلوك بيه
---------------------------------------
ابوذيات سعود الخفاجي
شيفيد الروح همت والمهمات
جزن لذات شوكك والمهمات
امكبل صار مــــده والمهمات
الكلب ماظن بعــد تحييه اليه
-
عميت وكمت ماوجد وظليت
طريجي وايست منك وظليت
اعالج بالنفس عكبك وظليت
تجي وبيدك تنكط الماي اليه
-
شبده وشوكك لخلك منجفيتــه
وعليه شكال كلبـــك منجفيتــه
سهم غدرك كتلنــي منجفيتـــه
بدليلي ولاخطه من اكبل عليه